#2
暑假時西貢海鮮街有新舖裝修, 估唔到, 原來係賣漢堡包. 同老板吹水, 佢地本黎想响元朗開, 但點知西貢仲平租.
店名叫Camden Town, 係倫敦一個地方, 老板去旅行時見到當地有漢堡包賣, 學左做法就返黎香港開舖. 佢地既漢堡包無蕃茄無生菜, 只係有少少洋蔥粒, 因為舖頭既標語係"牛肉先係主角" 廚房凍櫃見到一塊塊切好左既牛肉, 係用黎做塊漢堡扒. 漢堡包都係即叫即做, 所以要等7~8分鐘.
漢堡包單買要$25. 漢堡包+野飲賣$30. 轉有氣礦泉水之類就加多$5. 另外有啤酒賣.
食過幾次, 感覺唔錯.
响眾多既海鮮酒家中間漢堡包店, 真係幾有趣 :)
