猫生活

#1


#2


#3


#4


#5


4 月中時收到日本出版社既電郵, 負責人話希望刊登我响08年尾時响廈門鼓浪嶼影既幾張貓相.

第一次收到由日本黎既電郵, 感覺開心. 不過都係開心左一陣, 因為當我搵原相既時候, 就發現原來年頭時壞左既HDD, 正正就係儲左鼓浪嶼輯相, 而且無另外一個backup. 唯有回覆講抱歉.

响呢樹亦要特別多謝goroneko兄同kachun兄幫手翻譯, 因為太深奧同商業上用有禮貌既日文, 係我能力範圍以外.

之後負責人黎電郵問我有關台灣貓cafe既事情, 我估原先佢係想寫一篇有關鼓浪嶼既貓, 但因為我提供唔到大相, 就要換另一個話題. 不過我記得我同佢講過我係香港人, 可能佢地分唔清楚香港同台灣係兩個唔到既地方, 於是我就介紹左小賢姐俾佢識. 文中見到提及台灣貓寫真家王瓊賢就係小賢姐.

再之後, 負責人黎電郵問如果出細相我會唔會介意, 我答話無問題.

今期既主題係"戀上全世界的貓", 台灣貓就係其中一篇. 文章當中有5張相, 兩張相係我影, 但其他3張唔係, 不過又無特別指明, 我覺得幾尷尬. 另外, 鼓浪嶼亦唔係响台灣... 不過既然雜誌已出左街, 我諗再去解釋意義都係唔大.

今次既事件比到既教訓當然係以後要加緊backup. 但除此之外, 我都得到一啲啟發. 負責人原先係揀左11張相. 我問我自己, 如果當初唔係佢揀, 而係佢要我揀既話, 我未必會揀嗰11張相.

我再去睇返點解佢會揀嗰11張相, 究竟相入面有乜野元素咁吸引. 我亦去參考其他篇幅唔同世界各地既貓相, 睇下有無相同既元素.

我影過既相, 有呢啲元素嗎? 有既話, 係我唔覺意影左而自己唔知道? 我以後影既相, 要更加去留意加入呢啲元素嗎? 咁其實我係影相比自己睇呢, 定係影比人睇呢?

暫時未有答案, 繼續影貓去 :)

猫生活: http://www.pet-honpo.com/magazine/neko/