好多朋友都問我點解可以成日影到貓貓打喊怒. 其實我都唔係成日影到, 苦榮兄先至係勁, 佢影好多. 不過我都嘗試拋磚引玉, 响度試講下我影貓打喊怒既一d心得, 希望可以幫到大家. 或者大家有乜野秘訣, 都不妨分享交流一下 :)
= = = = = = = = = = = = = = = = = = = = = = = = = = = = =
首先要講, 貓打喊怒係唔係可以預測既呢? 我個人就覺得係唔可以既. 而且亦唔可以等, 因為唔知要等幾耐.
其實大家稍為留意一下, 有d貓打喊怒之前個鼻係會戚一戚, 雖然未必隻隻都係咁. 如果見到有咁既小動作, 就會係一個好好既提示.
又有d貓會連續打兩至三個喊怒, 即係若果錯過左第一次既話, 一陣之後就會有第二次機會. 當然, 無人可以擔保隻貓會連續打幾多個喊怒.
而岩岩訓醒既貓又會比較多打喊怒.
= = = = = = = = = = = = = = = = = = = = = = = = = = = =
好啦, 講完打喊怒係唔可以預測之後, 就講下打喊怒既過程.
貓貓打喊怒由開口到闔埋口通常都係2秒至3秒之間既事, 係非常之短速.
我將部機set到去1秒6張連拍. 分別影左兩組samples黎做示範. 第1組(3秒): #1-#9; 第2組(2秒): #10-#17.
每張相都寫有時分秒. 大家可以留意每一張相既分別, 例如口既大細, 眼睛既開闔, 貓鬚既方向.
對於鍾意貓或唔鍾意既朋友黎講, 其實貓貓打喊怒既相, 唔多唔少都會有dd猙獰既感覺. 尤其係初初開口同闔埋口之前. 所以除非係特別用黎整嚇人相, 通常初初開口同闔埋口之前既相, 就算影到, 我都會唔要. 另外貓貓打喊怒, 有時雙眼未必會咪埋. 開少少眼但見唔到眼珠, 又會增添少少恐怖感, 我亦會唔要. 我要揀既, 就係個口擘到最大, d鬚伸到最開,隻眼咪到一條線果一張.
= = = = = = = = = = = = = = = = = = = = = = = = = = = = =
最後, 就係講下點樣影.
開頭講左打喊怒係唔可以預測, 所以大家可以做到既, 就只有係眼明手快.
眼明手快取決於大家既基本功. 基本功响呢度可以指大家對自己相機既熟練, 例如用緊zoom鏡時點樣好快可以扭到枝鏡去自己想要既焦距. 又例點樣可以好快咁去構圖. (或者叉開少少講一講有關裁相. sample相係無裁過. 我影相時既取向係會盡量攞到最好, 務求唔需要裁. 但有時迫不得意, 例如貓忽然打喊恐或見到隻貓驚驚地準備走開, 我都會影左先, 執相時再裁.)
大家都睇到sample相, 其實開頭幾張邪惡樣係可以唔要, 所以就算慢左少少都無相干.
我部機係經常set响連拍模式(主要係避貓眨眼, 其次係影貓打喊怒同碌地沙). 至於連拍幾多張, 我會建議最少3~4fps, 而我相信e家市面上絕大部分dslr都做到3~4fps. 我用6fps黎影sample相都係比大家睇清楚d成個過程, 唔係叫大家一定要跟足我用6fps. 其實用6fps, 相與相之間既分別都唔係咁明顯, 只不過係多幾張相可以揀下咁, 實際上係會加快快門既損耗. 而大家亦千祈唔好迷信連拍愈快就愈好, 如果唔中焦既話, 俾你1000fps都無用. 至於快門, 我建議最少要有1/200", 如果唔係就有機會濛.
當我見到貓準備打喊怒(例如見到佢戚鼻), 或開始打喊怒, 我就會即刻舉機構圖, 然後連拍. 開頭幾張影唔到唔緊要, 因為我都唔會要. 當開始瞌埋口時我就會鬆手, 因為都係, 影到我都唔會要.
希望小小既分享可以幫到大家 :)
= = = = = = = = = = = = 第 一 組 = = = = = = = = = = = = = =
#1 14:42:39
#2 14:42:39
#3 14:42:40
#4 14:42:40
#5 14:42:40
#6 14:42:40
#7 14:42:40
#8 14:42:40
#9 14:42:41
= = = = = = = = = = = = 第 二 組 = = = = = = = = = = = = = =
#10 16:03:29
#11 16:03:31
#12 16:03:31
#13 16:03:31
#14 16:03:31
#15 16:03:31
#16 16:03:31
#17 16:03:32
